У нядзелю на базе ДЮСШ прайшлі раённыя спаборніцтвы па настольным тэнісе і гіравым спорце ў праграме XX-ай раённай спартакіяды сярод калектываў арганізацый, прадпрыемстваў, устаноў адукацыі і сельскіх выканаўчых камітэтаў Петрыкаўскага раёна.
У барацьбу ўступілі чатырнаццаць каманд: Грабаўскага, Капцэвіцкага, Петрыкаўскага сельскіх Саветаў, сярэдняй школы № 1, гарадской гімназіі, Нацыянальнага парку “Прыпяцкага”, ЦГіЭ, ЦРБ, РАНС, РАУС, райжылкамгасу, сектару культуры райвыканкама, Капцэвіцкага псіханеўралагічнага дому-інтэрнату для састарэлых і інвалідаў, ветэранаў фізічнай культуры і спорту.
Спаборніцтва прайшло дастаткова дынамічна ў добразычлівай і сяброўскай атмасферы, што зусім не сведчыла пра адсутнасць напружання, барацьбы і спартыўных інтрыг.
Пасля працяглай барацьбы былі аб’яўлены лепшыя. У настольным тэнісе перамогу святкавала каманда “Прыпяцкага”. На другім месцы размясцілася каманда Петрыкаўскага сельскага выканаўчага камітэта, на трэцім – Грабаўскага сельскага выканаўчага камітэта.
У гіравым спорце перамог Петрыкаўскі РАУС. Другое месца заняла каманда РАНС, трэцяе – Петрыкаўскага райжылкамгасу.
Усе прызёры каманднага і асабістага заліку былі ўзнагароджаны дыпломамі, а пераможцы – кубкам.
Святлана СОБАЛЕВА, фота аўтара.
Оставить комментарий