У фізкультурна-аздараўленчым комплексе «Прыпяць» прайшла дыялогавая пляцоўка на тэму «Спартыўны цімбілдынг як сродак згуртавання калектыву».
Перад прадстаўнікамі працоўных калектываў выступіла дырэктар ДЮСШ Валянціна Урбанчык, якая распавяла пра віды цімбілдынгу і засяродзіла ўвагу на спартыўных метадах згуртавання ў сям’і, кампаніях блізкіх людзей і, вядома, працоўных калектывах.
Удзельнікі мерапрыемства апрабавалі адзін з трэнінгаў, які прапанавала спецыяліст спартыўнай галіны. «Варта разумець, што з дапамогай даволі простых, але эфектыўных методык мы маем магчымасць актуалізаваць інтарэс да агульнай справы, выхаваць уменне працаваць у камандзе, наладзіць камунікацыю і ўзаемаразуменне паміж удзельнікамі пэўнай групы. Гэта тычыцца не толькі спартыўнага калектыву, але і хіба не ўсіх згуртаванняў», адзначыла Валянціна Мікалаеўна.
Працягам дыялогавай пляцоўкі загадчык сектара спорту і турызму райвыканкама Алена Грэнко прапанавала абмеркаваць акалічнасці арганізацыі спартыўных мерапрыемстваў на Петрыкаўшчыне.
Увага была засяроджана на стварэнні і ўдзеле аб’яднаных каманд устаноў і арганізацый у камандных відах спорту раённай спартакіяды да арганізацыі такога віду актыўнага баўлення вольнага часу з спаборніцкімі дысцыплінамі, як турыстычны злёт.
Арцём ГУСЕЎ.
Фота аўтара.
Оставить комментарий