Напярэдадні Дня беларускай навукі, які адзначаецца ў апошнюю нядзелю студзеня, на Петрыкаўшчыне прайшлі сустрэчы з калектывамі.
Інфармацыйна-прапагандысцкая группа на чале з намеснікам старшыні райвыканкама Святланай Сянько, у рамках адзінага дня інфармавання, сустрэлася з калектывам Капцэвіцкай сярэдняй школы.
Святлана Уладзіміраўна акцэнтавала ўвагу на тым, што беларуская навука ніколі не стаяла на месцы і сёння ва ўмовах выклікаў і пагроз, беспрэцэдэнтнага ціску на нашу краіну, дэманструе годныя вынікі ў многіх галінах дзейнасці. Гаворачы пра медыцыну і фармацыю было адзначана, што Беларусь знаходзіцца ў ліку сусветных лідараў у вобласці транспанталогіі. У апошні час значна павялічылася ў аб’ёме інавацыйная фармацэўтыка і экспарт медыцынскай прадукцыі, вырабляецца свая супрацьвірусная вакцына.
Асаблівыя словы гучалі на сустрэчы ў адрас машынабудавання і электронікі. У краіне працягваецца комплексная праца па стварэнні электронных і беспілотных транспартных сродкаў на аснове ўкаранення сучасных распрацовак у галіне мікраэлектронікі, прыборабудавання і інфармацыйных тэхналогій.
Прадстаўніком улады была адзначана дзейнасць айчыннага Парку высокіх тэхналогій, рэалізацыя IT-прадуктаў, якія запатрабаваны амаль ва ўсіх галінах дзейнасці. У Беларусі актыўна ўкараняюцца сучасныя касмічныя тэхналогіі. Сёння наша краіна можа вырабляць спадарожнікі дыстанцыйнага зандзіравання Зямлі, дзякуючы чаму ўвайшла ў лік касмічных дзяржаў. Працягваецца праца па падрыхтоўцы беларускага касманаўта да палёту на міжнародную касмічную станцыю восенню 2023 года.
Не засталася незаўважанай і ваенна-тэхнічная сфера. Завершаны распрацоўкі ракетнай сістэмы, сродкаў радыёэлектроннай абароны, беспілотнага авіяцыйнага комплексу, мабільнай станцыі, лічбавых сродкаў сувязі. Усё гэта здольна нейтралізаваць крыніцу пагрозы нацыянальнай бяспекі.
Святлана СОБАЛЕВА.
Оставить комментарий