Петрыкаў прымае абласныя спаборніцтвы па баскетболе, сярод дзяцей 2009 года нараджэння і малодшых. Турнір падзяляе раёны Гомельшчыны па групах, згодна з колькасцю насельніцтва. У 2-ю групу трапілі каманды з Буда-Кашылёўскага, Гомельскага, Жыткавіцкага, Лельчыцкага, Рагачоўскага, Хойніцкага і, канешне, Петрыкаўскага раёнаў.
Хлопцы дэманструюць свае здольнасці ў спартыўнай зале ДЮСШ, дзяўчынкі спаборнічаюць у спартыўнай зале гімназіі і другой гарадской школы.
Нашыя землякі трапілі ў падгрупу разам з дружынамі з Гомельскага і Жыткавіцкага раёна. Дзяўчыны ж Петрыкаўшчыны будуць спрачацца за выхад у фінал з жыткаўчанкамі і ўраджэнкамі Лельчыцкага раёна.
Арцём ГУСЕЎ. Фота аўтара.
Оставить комментарий