Апошні званок сёння празвінеў у гімнізіі. Па добрай традыцыі на ўрачыстасці былі адзначаны вучні, што на працягу года баранілі гонар сваёй навучальнай установы і займалі прызавыя месцы на конкурсах, алімпіядах і спаборніцтвах рознага ўзроўню.
Асабістая ўвага на апошнім званку была нададзена выпускнікам, якія, у сваю чаргу, дзякавалі настаўнікам. Зразумела, не абышлося без школьнага вальса, кветак і паветраных шароў. Творчы падарунак арганізавалі і бацькі выпускнікоў, выканаўшы кранальныя песні.
Са словамі віншавання выступіла намеснік старшыні райвыканкама Святлана Сянько, яна пажадала вучням паспяхова крочыць і надалей у жыцці, не забываць родную Петрыкаўшчыну!
«Паспяховай здачы экзаменаў, аптымізму, упэўненасці ў здзяйсненні жаданняў, добрага летняга адпачынку і моцнага здароўя. Наперадзе вас чакае атрыманне атэстата. А далей перад кожным з вас новыя дарогі: уступная кампанія, вучоба і дарослае жыццё! Дамагайцеся сваіх мэтаў, ведайце дакладна, чаго вы хочаце ад жыцця! Хочацца падзякаваць педагогам, якія падрыхтавалі пераможцаў конкурсаў і фестываляў — Аляксандра Будніка, Галіну Туравец, Аляксандра Дарошку, Вольгу Марцынкевіч, Ірыну Рагалевіч, Мчэдлаву Людмілу, Стрэйзман Валянціну, Ганну Урбанчык і многіх іншых!» — сказала намеснік старшыні райвыканкама.
Святлана Уладзіміраўна зрабіла актуальны падарунак установе: уручыла кнігу «Генацыд беларускага народы ў гады Вялікай Айчыннай вайны» дырэктару гімназіі.
Наталля ПЕТРУШЭНКА.
Фота аўтара
Оставить комментарий