Вучні Курыціцкай школы выйшлі прыбраць сваю тэрыторыю

Сёння мы завіталі ў Курыцічы. Навучэнцы разам з настаўнікам працоўнага навучання, дырэктарам і тэхнічным персаналам дзяржаўнай установы адукацыі выйшлі на пасадку кветак ля ўваходу ў будынак, а таксама на ўборку тэрыторыі.

Як адзначыла настаўніца працоўнага навучання Марыя Буднік, выйсці на ўроку працы высаджваць кветкі — работа традыцыйная, тым больш, што дзяцей трэба прывучаць працаваць на свежым паветры.

— Такім чынам мы і школу сваю родную ўпрыгожваем, — дадала Марыя Іванаўна.