Камітэтам дзяржаўнага кантролю Гомельскай вобласці праведзена пасяджэнне Гомельскай абласной камісіі па кантролі за ходам падрыхтоўкі і правядзення ўступных выпрабаванняў ва ўстановах вышэйшай і сярэдняй спецыяльнай адукацыі ў 2021 годзе.
У пасяджэнні прыняў удзел памочнік Прэзідэнта Рэспублікі Беларусь – інспектар па Гомельскай вобласці Мікалай Рагашчук, а таксама службовыя асобы галоўнага ўпраўлення адукацыі Гомельскага аблвыканкама і прадстаўнікі ўстаноў адукацыі вобласці.
Гомельскай абласной камісіяй разгледжана пытанне арганізацыі кантролю за ходам падрыхтоўкі і правядзення першага і асноўнага этапу ўступнай кампаніі – цэнтралiзаванага тэсцiравання.
У бягучым годзе ЦТ будзе праведзена з 16 чэрвеня па 8 ліпеня па 11 прадметах. Практычна на ўсе тэсты адведзена па адным дні, на рускую мову і матэматыку – па два.
Як і ў папярэднія гады ў Гомельскай вобласці пунктамі правядзення цэнтралізаванага тэсціравання вызначаны 6 устаноў адукацыі: Гомельскі дзяржаўны ўніверсітэт імя Францыска Скарыны, Беларускі дзяржаўны ўніверсітэт транспарту, Гомельскі дзяржаўны тэхнічны ўніверсітэт імя Сухога, Беларускі гандлёва-эканамічны ўніверсітэт спажывецкай кааперацыі, Мазырскі дзяржаўны педагагічны ўніверсітэт імя І.П. Шамякіна і Светлагорскі дзяржаўны індустрыяльны каледж.
У кожным пункце тэсціравання будуць працаваць камісіі па кантролю за ходам падрыхтоўкі і правядзення ўступных выпрабаванняў. Старшынямі такіх камісій з’яўляюцца члены дзяржкамісіі, намеснікамі – работнікі Камітэта дзяржкантролю.
Усяго для ўдзелу ў тэсціраванні ў Гомельскай вобласці зарэгістравана 27297 чалавека-тэстаў, што на 1316 менш, чым у мінулым годзе.
Гомельская абласная камісія звяртае ўвагу абітурыентаў і іх законных прадстаўнікоў на тое, што прыйсці ў пункт тэсціравання лепш не пазней, чым за паўгадзіны да пачатку (да 11.00). Згодна з заканадаўствам, хто спазніўся і тых, хто прыйдзе пасля выкрыцця канвертаў з заданнямі, на тэсціраванне не дапускаюць.
Абітурыент мае права ўзяць з сабой на тэсціраванне дакумент, які сведчыць асобу, пропуск, гелевую ручку з чарніламі чорнага колеру, а на тэст па фізіцы і хіміі – калькулятар. Праносіць, а таксама выкарыстоўваць у аўдыторыях, дзе праводзіцца ЦТ, любыя іншыя прадметы забараняецца.
У выпадку не яўкі на ЦТ па ўважлівых прычынах (хвароба або іншыя непрадбачаныя абставіны, пацверджаныя дакументальна), абітурыент праходзіць яго ў рэзервовы дзень (14, 16 і 18 ліпеня). Для гэтага неабходна папярэдне (з 2 па 9 ліпеня) перарэгістравацца ў адным з пунктаў, якія забяспечваюць рэгістрацыю і правядзенне ЦТ у рэзервовы дзень (Брэсцкі дзяржаўны тэхнічны ўніверсітэт, Віцебскі дзяржаўны тэхналагічны ўніверсітэт, Гомельскі дзяржаўны тэхнічны ўніверсітэт імя Сухога, Гродзенскі дзяржаўны ўніверсітэт імя Янкі Купалы, Беларуска-Расійскі ўніверсітэт, Беларускі дзяржаўны ўніверсітэт).
Атрымаць сертыфікаты можна будзе з 16 ліпеня ў тых пунктах ЦТ, дзе і здавалі канкрэтны тэст. А ўжо праз пару дзён – з 20 па 26 ліпеня – пачнецца падача дакументаў у ВНУ.
У сёлетняй уступнай кампаніі працуе “гарачая лінія” Гомельскай абласной камісіі па кантролі за ходам падрыхтоўкі і правядзення ўступных іспытаў у навучальных установах вобласці ў 2021 годзе, па тэлефоне 8(0232) 23-83-85.
Канстанцін Таранаў, першы намеснік старшыні
Камітэта дзяржаўнага кантролю Гомельскай вобласці.
Оставить комментарий