Напрыканцы мінулага года для лідараў прафсаюзных пярвічак арганізацый і прадпрыемстваў Петрыкаўшчыны прайшоў Дзень прафсаюзнай асветы па тэме “Падстава і парадак прыцягнення работнікаў да матэрыяльнай адказнасці”.
Арганізатары мерапрыемства – галоўны прававы інспектар працы Гомельскай абласной арганізацыі Беларускага прафсаюза работнікаў гандлю, спажывецкай кааперацыі і прадпрымальніцтва Мікалай Талейка, пракурор Петрыкаўскага раёна Сяргей Таболіч, старшыня Петрыкаўскага раённага аб’яднання прафсаюзаў Галіна Шчэрбак.
Пасля асноўнай часткі прадстаўнікамі ўлады быў праведзены асабісты прыём грамадзян, на які звярнуліся восем чалавек. Большасць пытанняў звязаны з заключэннем, скасаваннем кантрактаў, працоўных дамоў. Некаторыя нюансы ў працоўным заканадаўстве патрабуюць увагі. Напрыклад: пра падаўжэнне кантракту з работнікам, які мае дзіця ва ўзросце да 5 гадоў і падаўжэнне кантракту з работнікам перадпенсійнага ўзросту. Дадзена тлумачэнне, што наймальнік са згоды работніка абавязаны падоўжыць тэрмін дзеяння кантракту або заключыць новы з працуючай маці (бацькам) на тэрмін не менш як дасягненне дзіцям узросту 5-ці гадоў. Наймальнік са згоды работніка абавязаны прадоўжыць тэрмін дзеяння кантракту або заключыць новы з работнікам, які добрасумленна працуе і не дапускае парушэнняў вытворча-тэхналагічнай, выканальніцкай і працоўнай дысцыпліны, якому да дасягнення агульнаўстаноўленага пенсійнага ўзросту застаецца не больш за 2 гады.
Старшыні першасных прафсаюзных арганізацый задавалі пытанне, якое ўжо стала традыцыйным на прафсаюзных прыёмах: па заканчэнні тэрміну кантракту, кіраўнік можа спыніць працоўныя адносіны з работнікам, які не дапускаў парушэнняў працоўнай і выканальніцкай дысцыпліны. Адказ – можа. Калі наймальнікам прынята рашэнне пра спыненне працоўных адносін у сувязі са сканчэннем тэрміну дзеяння кантракту, работнік не мае права патрабаваць іх прадаўжэння.
У ходзе прыёму быў атрыманы адказ на пытанне пра скасаванне працоўнай дамовы з працаўніком, які адбывае адміністрацыйнае спагнанне ў сувязі з адміністрацыйным арыштам. Наймальнік мае права, (але не абавязаны) скасаваць працоўны дагавор, заключаны на нявызначаны тэрмін, а таксама тэрміновы працоўны дагавор да заканчэння тэрміну яго дзеяння ў выпадку адсутнасці работніка на працы ў сувязі з адбываннем адміністрацыйнага спагнання ў выглядзе адміністрацыйнага арышту, які перашкаджае выкананню працоўных абавязкаў.
Пра аплату за працу ў звыш вызначаны час – пытанне, якое хвалявала не аднаго наведвальніка. Спецыялістамі было ўказана, згодна правілам за кожную гадзі-ну працы ў звышурочны час, работнікам праводзіцца даплата са здзельнай аплатай працы – не ніжэйшая за здзельныя расцэнкі. Работнікам з пагадзіннай аплатай працы – не ніжэй за гадзінныя тарыфныя стаўкі (тарыфныя аклады), аклады.
У ходзе прыёму таксама дадзены тлумачэнні па пытаннях парадаку заключэння дамоў індывідуальнай і калектыўнай матэрыяльнай адказнасці, налічэння заработнай платы, прафсаюзным членстве, выплаты членскіх прафсаюзных узносаў пенсіянерамі.
Святлана СОБАЛЕВА.
Оставить комментарий