Сістэма санаторыяў “Белпрафсаюзкурорт” – адна з самых вялікіх унутры краіны. Прафсаюзныя здраўніцы размешчаны па ўсёй тэрыторыі Рэспублікі Беларусь, што дае магчымасць ва ўсёй паўнаце выкарыстоўваць непаўторныя прыродныя фактары, такія як месцазнаходжанне санаторыяў, гаючыя гразі, мінеральныя воды.
У рамках тура выхаднога дня для дзевяці членаў прафсаюза галіны агра-прамысловага комплексу Петрыкаўскага раёна, працаўнікоў КСУП “Чалюшчавічы”, ААТ “Петрыкаўскі аграсэрвіс” і ААТ “Агра-Ляскавічы” была арганізавана паездка ў санаторый “Крыніца”. На тур выхаднога дня санаторыем распрацавана спецыяльная аздараўленчая праграма, дзе кожны жадаючы змог наведаць водаратэрапію і паляжаць у мінеральна-жамчужнай ванне, за дадатковую плату расслабіцца ў масажным крэсле, атрымаць іншыя медыцынскія працэдуры.
– Адпачынак у санаторыі мне вельмі спадабаўся. Медыцынскі персанал уважлівы, дастаткова шмат розных працэдур, у тым ліку і касметычных. Разнастайнае меню, чыстае лясное паветра, забаўляльныя мерапрыемствы. У санаторыі ёсць усё для паўнавартаснага адпачынку. Абавязкова прыедзем сюды яшчэ ўлетку, – падзялілася меркаваннем Наталля Асташова, член першаснай прафсаюзнай арганізацыі ААТ “Петрыкаўскі аграсэрвіс”.
Клопат пра здароўе членаў прафсаюза – адзін з найважнейшых напрамкаў у рабоце прафсаюзных работнікаў усіх узроўняў.
Алена Галеня, старшыня Петрыкаўскага раённага камітэту прафсаюзаў работнікаў АПК, фота аўтара.
Оставить комментарий