Так называлася свята якое арганізавалі з выхаванцамі педагогі ГУА “Бабуніцкі дзіцячы сад” Шарамет Тамара Іванаўна, Ярыга Надзея Іванаўна і загадчык мясцовай бібліятэкі Стракач Наталля Нікітічна. Яно было прысвечанна да Дня Абароны дзяцей. Малышам была прадстаўлена цікавая праграма з ўдзелам казачных герояў, Ціграшы і Вяснянкі, якія выконвалі музычны кіраўнік Ярыга Н.І. і выхавальнік Шарамет Т.І. Гаспадыня Стракач Н.Н. запрасіла дзяцей да прыгожа ўбранай залы бібліятэкі, дзе яны паглядзелі цікавы мультфільм, атрымалі эмблемы удзельнікаў свята, гулялі ў розныя гульні, знаёміліся з дзіцячымі кніжкамі.
А потым ўсе разам выйшлі на вуліцу сустракаць Лета. Выхаванцы вадзілі карагоды, спявалі вясёлыя песні. Закончылася свята песняй “Няхай заўсёды будзе сонца” і ўздыманнем беларускага флага. А потым усім удзельнікам былі ўручаны ганаровыя граматы і прыгожыя кніжкі-размалёўкі. Дзеці атрымалі радасныя эмоцыі і разуменне таго, як цудоўна жыць ў мірнай краіне.
Валянціна Леанідаўна Панцюк,
загадчык ГУА “Бабуніцкі дзіцячы сад”.
Оставить комментарий