Сустрэчу з калектывам Петрыкаўскага ПМС правялі прававы інспектар працы абласной арганізацыі Беларускага прафсаюза работнікаў хімічнай, горнай і нафтавай галін прамысловасці Генадзій Шчалкуноў, старшыня раённага аб’яднання прафсаюзаў Галіна Шчэрбак і памочнік пракурора Петрыкаўскага раёна Алена Панасейка.
Першае пытанне, на якое прысутныя атрымалі тлумачэнне, тычылася парадку дазволу на выкарыстанне персанальных дадзеных працадаўцам. Таксама быў растлумачаны і парадак прадстаўлення працоўных адпачынкаў. Так, згодна з палажэннем артыкулаў 167-170 Працоўнага кодэкса, працоўны адпачынак за другі і наступныя гады прадстаўляецца штогод, згодна з графікам, зацверджаным працадаўцам і ўзгоднены з прафсаюзам.
Пры складанні графіка ўлічваецца пажаданне працаўніка пра час выхаду ў адпачынак, калі гэта не перашкаджае належнай дзейнасці арганізацыі. Асобным катэгорыям работнікаў наймальнік абавязаны запланаваць адпачынак працаўніка па жаданні апошняга ў зручны для яго час. Гэта тычыцца матуль, што выхоўваюць двух ці болей дзяцей ва ўзросце да 14 гадоў, матуль, што выхоўваюць дзіця-інваліда ва ўзросце да 18 гадоў, асоб мала-дзейшых за 18 гадоў і іншых.
Увага была засяроджана на падаўжэнні кантракта з работнікамі, якія не парушалі працоўную і выканаўчую дысцыпліну. Так, згодна з артыкулам 261 Працоўнага кодэкса, працяг кантракта ажыццяўляецца ў тым выпадку, калі бакі прынялі ўзгодненае рашэнне пра працяг працоўных адносін, заснаваных на кантракце. Калі калектыўнай дамовай арга-нізацыі не прадугледжаны абавязак наймальніка ў падаўжэнні кантракту з добрасумленным работнікам і наймальнікам вырашана прыпыніць працоўныя адносіны ў сувязі са сканчэннем тэрміну дзеяння кантракта, працаўнік не мае права патрабаваць яго падаўжэння.
Таксама наймальнік па ўзгадненні з работнікам абавязаны падоўжыць тэрмін дзеяння кантракта ці заключыць новы кантракт з працаўніком, што добрасумленна працаваў і не парушаў вытворча-тэхналагічнай, выканаўчай і працоўнай дысцыпліны, якому да дасягнення агульнавызначанага пенсійнага ўзросту застаецца не больш двух гадоў – не менш, чым дасягнення вызначанага ўзросту.
Акрамя гэтага, было растлумачана, што работнік мае права на кампенсацыю за рухомы і раз’язны характар работы. Памер кампенсацыі вызначаны палажэннем пра аплату працы прадпрыемства.
Арцём ГУСЕЎ.
Фота аўтара.
Оставить комментарий