Пры першай сустрэчы з незнаёмцам перш за ўсё кідаецца ў вочы яго вонкавае аблічча, як ён апрануты, дагледжаны, ці начышчаны чаравікі. Акуратнасць характарызуе чалавека толькі з лепшага боку, бо такі чалавек не абыякавы да сябе і тых, хто побач. Гэтую мудрую думку, сфарміраваную нашымі продкамі, можна лёгка перанесці і на аб’екты нашага горада. Калі ўсё будзе зламана, то якое меркаванне пра нас, жыхароў, будзем мець у гасцей?
Вуліца Дружбы. Побач з вядомай дзіцячай гульнявой пляцоўкай знаходзяцца кантэйнеры для збору смецця. Плот, які служыць не толькі агароджай кантэйнераў, але і нясе сабой эстэтычную функцыю, на жаль, зламаны.
Любая паломка, якая знаходзіцца ў грамадскім месцы і доўга не выпраўляецца, пачынае здавацца ўжо нармальнай.
Любое смецце напрамую сведчыць пра ўзровень развіцця грамадства. Калі мы будзем заплюшчваць вочы на смецце, раўнадушна праходзіць міма, то што будзе з нашым горадам, раёнам і ўвогуле краінай?
Наталля ПЕТРУШЭНКА.
Фота аўтара.
Оставить комментарий