Сёння падвялі вынікі раённага этапа рэспубліканскага конкурсу дзіцячых малюнкаў «Нам гэты свет завешчана берагчы», прысвечаны 78-й гадавіне Перамогі ў Вялікай Айчыннай вайне.
Арганізатарам выступіў раённы Савет ветэранаў. Дзецям прапанавалі некалькі тэм для работ: «Яны змагаліся за Радзіму», «Дарагія мае ветэраны», «Свята Перамогі вачыма дзяцей», «Мая сям’я і Вялікая Перамога». Лепшых вызначалі ў трох узроставых катэгорыях: 7-9 , 10-12 , 13-15 гадоў.
«У конкурсе актыўна ўдзельнічалі школьнікі з розных устаноў адукацыі Петрыкаўскага раёна. У кожным малюнку выразна відаць, як вучні любяць сваю Радзіму, ганарацца гераізмам савецкіх воінаў», — адзначыў старшыня Петрыкаўскай раённай арганізацыі Беларускага грамадскага аб’яднання ветэранаў Уладзімір ЖУКАВЕЦ.
Такім чынам, ва ўзроставай групе 7-9 гадоў першае месца заняў вучань Цэнтра творчасці Дзмітрый Кудравец. На другім месцы — Вераніка Добаш з гімназіі і Арцём Рагавец з Камаровіцкай сярэдняй школы. Трэцяе месца падзялілі Ганна Казелька з Грабава, Ганна Паўлава з Петрыкаўскай дзіцячай школы мастацтваў, Вера Васільева з гімназіі.
Ва ўзроставай групе 10-12 гадоў першае месца заняла Соф’я Туравец з гімназіі. Другое месца падзялілі Лізавета Літвін з Петрыкаўскай дзіцячай школы мастацтваў і Марыя Марозька з сярэдняй школы № 2. Трэцяе месца ў Надзеі Карпач з Камаровіцкай сярэдняй школы, Алісы Пашкоўскай з сярэдняй школы № 1, Ксеніі Кукса з Петрыкаўскай дзіцячай школы мастацтваў.
Ва ўзроставай групе 13-15 гадоў першае месца заняла вучаніца Ляскавіцкай сярэдняй школы Аляксандра Таргоня, другое месца падзялілі Максім Амельчанка з Камаровіцкай сярэдняй школы і Дар’я Міцура з сярэдняй школы № 2. Трэцяе месца ў Марыі Кабановіч з Макарыцкай сярэдняй школы, Дар’і Кліменка з гімназіі, Варвары Аксенік з гімназіі.
Оставить комментарий