Сёння адбыўся мітынг-рэквіем памяці, прысвечаны трагічным падзеям знішчэння Хатыні і іншых беларускіх вёсак. Трагічны лёс напаткаў шэраг нашых населеных пунктаў, сярод якіх вёска Людзвіноў Петрыкаўскага раёна.
На мерыпрыемстве прысутнічалі старшыня Петрыкаўскай раённай грамадскай арганізацыі “Белая Русь” Святлана БЛІНЕЦ, ветэран працы, паэт Антаніна РЫБАЛКА, настаяцель Курыціцкай царквы іконы Божай Маці «Неспадзяваная Радасць» Сяргей КАПІТАН, вучні Смятаніцкай сярэдняй школы.
У 12 гадзін у гадавіну трагедыі ў Хатыні па ўсёй Беларусі прагучаў метраном. Удзельнікі мітынгу таксама далучыліся да гэтай акцыі і ўшанавалі хвілінай маўчання памяць аб ахвярах генацыду.
Пасля літургіі настаяцеля Курыціцкай царквы іконы Божай Маці «Неспадзяваная Радасць», прысутныя ўшанавалі хвілінай маўчання ахвяр ваеннага ліхалецця і ўсклалі кветкі да манумента.
Оставить комментарий