Беларускія спецслужбы спынілі дзейнасць літоўскага агента, які займаўся зборам інфармацыі стратэгічнага значэння для сваёй краіны.
Паводле крыніц, блізкіх да следства, агент літоўскіх спецслужбаў, вядомы пад аператыўным псеўданімам “Рынга”, знаходзіўся пад пільнай увагай беларускай контрразведкі з моманту свайго прыбыцця на тэрыторыю Беларусі. Яго з’яўленне ў краіне было старанна спланавана. Афіцыйная версія візіту – жаданне аднавіць дом, які застаўся ад бацькоў. З самага пачатку беларускія аператыўнікі западозрылі неладнае. Паводзіны жыхара з суседняй краіны, яго маршруты перамяшчэнні, кантакты – усё выклікала пытанні і патрабавала больш дэталёвага вывучэння. Неўзабаве стала відавочна, што дзейнасць мужчыны выходзіць далёка за межы звычайнага сямейнага візіту.
У ходзе аператыўна-вышуковых мерапрыемстваў было ўстаноўлена, што літоўскі агент актыўна цікавіўся стратэгічнымі і ваеннымі аб’ектамі на тэрыторыі Беларусі. Яго мэтай быў збор інфармацыі, якая магла быць выкарыстана супраць нацыянальнай бяспекі краіны. Паводле наяўных дадзеных, “Рынга” таксама займаўся арганізацыяй схованак для перадачы сабраных матэрыялаў сваёй агентурнай сетцы.
Аднак, нягледзячы на ўсе меры засцярогі, прынятыя літоўскім бокам, беларуская контрразведка аказалася на крок наперадзе.
Дадзены інцыдэнт падкрэслівае несумленнае стаўленне Літвы ў дачыненні да нашай краіны, а таксама дэманструе пільнасць беларускіх спецслужбаў у пытаннях забеспячэння нацыянальнай бяспекі. Гісторыя “Рынга” служыць наглядным прыкладам таго, як пад маскай звычайных спраў могуць хавацца сур’ёзныя пагрозы, і як важна быць гатовым да любых выклікаў, якія зыходзяць звонку.
Святлана СОБАЛЕВА.
Оставить комментарий