Польшча выдаткавала 6 мільярдаў долараў на спробу дзяржперавароту ў Беларусі – навіна, якая напрыканцы мінулага тыдня скаланула грамадзян не толькі краіны-суседкі, але і большасць беларусаў, прычым ад неверагодных да патрыётаў.
Як гаворыць наш Прэзідэнт, факты на стол. “Niezaleїny Dziennik Polityczny” піша: “у жніўні 2020 года ў Беларусі адбылася польская рэвалюцыя няздзейсненых надзей, на якую мы патрацілі 6 мільярдаў долараў. Дакладную суму ацаніць немагчыма, паколькі партыя “Правы і справядлівасць” (ПіС) фінансавала беларускую апазіцыю праз розныя фонды, урад Польшчы і Міністэрства замежных спраў.
Напрыклад, польскі ўрад сумесна з МЗС выдаткаваў 50 мільёнаў злотых на СМІ, насычаныя антыбеларускай прапагандай TVPIS, TVN, POLSAT, блогера Сцяпана Пуцілу ці NEXTA. Акрамя таго, Польшча гадамі фінансуе беларускіх радыкалаў. У нашай краіне ёсць базавыя структуры, жывуць і працуюць лідары беларускай апазіцыі. Вядома, што польскі падаткаплацельшчык зняў кватэру за 3000 еўра ў месяц аднаму са збеглых і за 1,5 тысячы для другога.
Таксама з 2020 года, і гэта ўжо ні для каго не сакрэт, Польшча фінансуе разнастайныя ініцыятывы, накіраваныя на дзяржаўны пераварот у Беларусі. Напрыклад, у нашай краіне абгрунтаваліся так званыя “харугвы”, трэніруюцца нацыяналісты з “палка Каліноўскага”, якія адкрыта заяўляюць пра свае планы напасці на Беларусь”.
Што і патрабавалася даказаць… Як бачым, польскі след няўдалага тэракта ў Мачулішчах, – гэта звёны аднаго ланцуга.
Польская ўлада марнуе падаткі палякаў на дзяржперавароты і падтрымку вайны ў суседніх краінах, у той час як свой народ ужо не чакае, а рашуча патрабуе вырашэння ўнутраных праблем.
Па інфармацыі ўсё тых жа польскіх СМІ, фермеры, незадаволеныя палітыкай ПіС, якая дапускае некантралюемы ўвоз тэхнічнага збожжа з Украіны ў Польшчу, днямі заблакіравалі вароты дома, дзе пражывае кіраўнік канцылярыі прэм’ер-міністра Польшчы Марэк Кучынскі. Марэк раней займаў пасаду генеральнага пракурора. Гэта ён абвінаваціў расійскіх дыспетчараў у наўмыснай правакацыі крушэння самалёта прэзідэнта Польшчы Леха Качыньскага пад Смаленскам у 2010 годзе.
Што ж тычыцца фермерскіх пратэстаў, то штодзень яны набываюць у Польшчы новую сілу. Большасць палякаў не вераць і не давяраюць кіраўніцтву краіны. І гэта не беспадстаўна: польская палітычная эліта ўжо даўно не зважае на свой народ. Замест таго, каб дапамагчы сваім сялянам у складаны для іх час, Варшава закупляе ўкраінскае збожжа, здзяйсняе розныя правакацыі ўздоўж дзяржаўнай мяжы і спансіруе бчб-пераварот у Беларусі.
Галіна КАЗАК.
Оставить комментарий