У рамках рэспубліканскай дабрачыннай акцыі “Нашы дзеці” днямі былі ўручаны падарункі дзецям, якія выхоўваюцца ў дамах сямейнага тыпу. Гэта сям’я Якубенкаў і сям’я Собалевых. У кожнай пад апекай 9 дзетак.
Удзел у акцыі прынялі старшыня раённага Савета дэпутатаў Сяргей Макарэвіч, дэпутат Палаты прадстаўнікоў Нацыянальнага сходу Рэспублікі Беларусь Ірына Кралевіч, член Савета Рэспублікі Нацыянальнага сходу Рэспублікі Беларусь Алег Слінько.
Ірына Кралевіч, уручаючы салодкія прызы, пажадала дзецям моцнага здароўя, поспехаў у вучобе, любові і ўзаемаразумення. Малыя не засталіся ўбаку і адказалі падзякай: праспявалі песні і расказалі вершы.
Сяргей Макарэвіч адзначыў, што рэспубліканская дабрачынная акцыя “Нашы дзеці” ўжо шмат гадоў крочыць па краіне і радуе дзетак.
– Прыміце шчырыя віншаванні з надыходзячым Новым годам і Калядамі. Беражыце сябе і сваіх блізкіх, жывіце дружна, дапамагайце адзін аднаму, бо толькі разам мы мацней, – сказаў Сяргей Аляксандравіч.
Нагадаем, што акцыя вось ужо больш за 20 гадоў праводзіцца штогод па ініцыятыве і пры падтрымцы Прэзідэнта.
Наталля ПЕТРУШЭНКА.
Фота аўтара.
Оставить комментарий