Пракуратурай Петрыкаўскага раёна накіравана ў суд крымінальная справа па абвінавачванні дваццацігадовага непрацуючага жыхара вёскі Бяланавічы ў здзяйсненні злачынства, прадугледжанага часткай 2 артыкула 205 Крымінальнага Кодэкса Рэспублікі Беларусь (крадзеж, здзейснены паўторна).
Так, 19 лютага, знаходзячыся па месцы жыхарства, мужчына ўжываў спіртныя напоі са сваімі знаёмымі. Калі спіртное закончылася, ён вырашыў з’ездзіць на рэчавы рынак у горад Петрыкаў, каб узламаць ларок і здзейсніць крадзеж якой-небудзь маёмасці. У начны час ён на таксі даехаў да рынка, дзе металічным штыром узламаў замок аднаго з павільёнаў, там знайшоў кашалёк, у якім мелася больш за 1600 рублёў. Раніцай у магазіне ён на ўсю суму набыў спіртнога, цыгарэт, прадуктаў і ўвесь дзень са знаёмымі адпачываў і весяліўся.
Увечары, будучы добра выпіўшым, яму зноў захацелася лёгкіх грошай. У сувязі з чым, ён, узяўшы з сабой металічны лом, зноў паехаў на рынак, дзе з яго дапамогай узламаў замкі двух павільёнаў, адкуль выкраў рознай маёмасці на агульную суму больш за 700 рублёў, якую ў далейшым збіраўся прадаць. Аднак не паспеў гэтага зрабіць, так як быў затрыманы супрацоўнікамі міліцыі. Па месцы жыхарства ўсё выкрадзенае было канфіскавана.
Абвінавачаны сваю віну прызнаў цалкам. Варта адзначыць, што апошні ў 2021 годзе тройчы прыцягваўся да крымінальнай адказнасці за здзяйсненне аналагічных злачынстваў, адбываў пакаранне ў выглядзе абмежавання волі, у сувязі з чым на перыяд следства яму была абрана мера стрымання ў выглядзе зняволення пад варту.
Сяргей ТАБОЛІЧ,
пракурор раёна саветнік юстыцыі.
Оставить комментарий