Напрыканцы тыдня адбыўся раённы семінар па пытаннях арганізацыі вясенне-палявых работ на Петрыкаўшчыне. Месца правядзення – палеткі ААТ “Пціч-Агра”, дзе на адкрытай пляцоўцы размясцілася тэхніка з прычапным інвентаром: баронамі, культыватарамі, раскідвальнікамі мінеральных угнаенняў, пасяўнымі агрэгатамі. Такая форма работы дазволіла кіраўнікам, спецыялістам сельскіх гаспадарак наглядна абмеркаваць надзённыя пытанні аграрыяў: ад тэхнічнай падрыхтаванасці і магчымасцей сельгастэхнікі да мерапрыемстваў па дасягненні годнага ўраджаю. Непасрэдна каля сельгастэхнікі спецыялістамі была арганізавана вучоба-інструктаж, у час якой наглядна былі прадэманстраваны тэхнічныя магчымасці транспарту, дадзены адказы на хвалюючыя прысутных пытанні.
Увогуле, задача сёлета перад аграрыямі раёна стаіць няпростая. У бягучым годзе плануецца забяспечыць вытворчасць 64 тысячы тон зерневых з кукурузай на зерне культур, 1097 тоны масласемя рапса і свірэпіцы, 135 тон бульбы, 82,2 травяных кармоў.
– Для рэалізацыі планаў сфарміравана структура пасяўных палёў сельскагаспадарчымі культурамі будзе задзейнічана 260 трактароў, 46 плугоў, 34 дзіскатары, 20 камбінаваных пасяўных агрэгатаў, што дазволіць забяспечыць сеў ранніх зерневых культур у цэлым па раёне ў сярэднім за восем дзён, – адзначыў у сваім выступленні першы намеснік старшыні райвыканкама Мікалай Місюра. – Сяўба кукурузы на зерне будзе забяспечана на працягу дзевяці дзён, а на сілас і зялёны корм у сярэднім за васямнаццаць дзён.
Мікалай Васільевіч адзначыў, што ў працы па дасягненні выніку будучага ўраджаю няма другасных работ. У роўнай ступені трэба займацца як набыццём насення, успашкай палеткаў, пасевам, падкормкай – і рабіць усё гэта патрэбна адказна і згодна з тэхналогіямі.
У выязным мерапрыемстве прыняў удзел старшыня райвыканкама Аляксандр Наўныка. Кіраўнік раёна падкрэсліў, што ў наяўнасці ў сельскіх гаспадарках маецца ўсё неабходнае для своечасовай і якаснай пасяўной кампаніі: тэхніка, паліва, насенне, мінеральныя рэчывы.
– Галоўная задача, якая стаіць перад намі, – своечасовае і якаснае правядзенне пасяўной кампаніі. Ад таго, наколькі добра будзе пройдзены дадзены этап, шмат у чым залежыць ураджай, – адзначыў глава раёна. – Мы не маем права на памылкі. Ад нашай працы залежыць дабрабыт людзей і развіццё рэгіёна.
Аляксандр Міхайлавіч патрабаваў ад кіраўнікоў гаспадарак асабістага кантролю за працоўнай дысцыплінай на месцах.
У ходзе семінара абмяркоўва- ліся таксама пытанні забеспячэння пажарнай бяспекі пры правядзенні вяснова-палявых работ, навядзення парадку на мехдварах і ў майстэрнях, арганізацыя харчавання работнікаў, падрыхтоўкі тэхнікі да тэхагляду і забеспячэнне неабходнымі матэрыяламі і запаснымі часткамі ў час рамонту. Быў выпрацаваны алгарытм атрымання арганікі ў ААА “Петрыкаўскі АграСервіс”.
Святлана СОБАЛЕВА,
фота аўтара.
Оставить комментарий