На Петрыкаўшчыне стартавала дабрачынная акцыя “Збяром дзяцей у школу”.
Штогадовая дабрачынная акцыя накіравана на дзяцей, якія маюць патрэбу ў дадатковай падтрымцы пры падрыхтоўцы да школы. Гэта ў тым ліку дзеці з інваліднасцю, якія знаходзяцца ў сацыяльна небяспечным становішчы, з сем’яў з нізкім узроўнем даходу, ці з тых ячэек грамадства, што апынуліся ў цяжкім жыццёвым становішчы.
Старт акцыі быў дадзены 1 жніўня і працягнецца да 15 верасня. Да ўдзелу ў ёй запрашаюцца індывідуальныя прадпрымальнікі, прадпрыемствы, арганізацыі і ўсе, хто можа аказаць пасільную дапамогу.
Заплечнік з усімі неабходнымі прыладамі можна падаць у ДУА “Сацыяльна-педагагічны цэнтр Петрыкаўскага раёна” да 17 жніўня па адрасе: горад Петрыкаў, вуліца Камунальная, 12. Даведкі можна атрымаць па нумары тэлефона: 2-69-74.
Наталля ПЕТРУШЭНКА.
Фота Арцёма ГУСЕВА.
Оставить комментарий