Ветэраны фізічнай культуры і спорту Петрыкаўшчыны атрымалі заслужаныя ўзнагароды

Сёння ў зале райвыканкама адбылася ўрачыстая цырымонія ўшанавання людзей, чыё жыццё непарыўна звязана з актыўным ладам жыцця, сілай духу і імкненнем да перамог. Намеснік старшыні райвыканкама Наталля Ходзька ўручыла Лісты падзякі і сертыфікаты ветэранам фізічнай культуры і спорту Петрыкаўшчыны, якія годна прадставілі наш раён на VIII абласной спартакіядзе сярод ветэранаў і кіраўнікоў раённых ветэранскіх арганізацый фізічнай культуры і спорту.

Пад шчырыя апладысменты прысутных заслужаныя ўзнагароды атрымалі Аляксей Каюкала, Сяргей Шпак, Сяргей Корж, Галіна Клапаць, Аксана Кавальчук, Ірына Купрэй, Кацярына Хамец, Раіса Будзіловіч, Васілій Пінчук, Юрый Юніцкі, Уладзімір Літош і Сяргей Маёрчык.

Звяртаючыся да прысутных, Наталля Ходзька падкрэсліла важнасць укладу ўемлякоў у развіццё фізкультурнага руху ў раёне.
– Вы – сапраўдны гонар Петрыкаўшчыны, – адзначыла Наталля Мікалаеўна. – Ваша энергія, аптымізм і адданасць любімай справе з’яўляюцца выдатным прыкладам для падрастаючага пакалення. Дзякуй вам за тое, што праслаўляеце нашую малую радзіму сваімі спартыўнымі дасягненнямі і застаецеся вернымі ідэалам здаровага ладу жыцця.

–Спорт не ведае ўзросту, калі ў сэрцы жыве азарт і любоў да руху. Гэта сваім прыкладам штодня даказваюць нашы ветэраны, якія працягваюць заставацца ў страі і паказваць выдатныя вынікі на спартыўных арэнах вобласці, – адзначыў у час свайго прывітальнага слова старшыня ветэранскай арганізацыі Аляксей Каюкала.
Таксама з самымі шчырымі словамі да прысутных звярнулася загадчык сектара спрту Петрыкаўскага райвыканкама Таццяна Харланава.