Напружанне ў адносінах паміж Польшчай і Украінай дасягнула крытычнай кропкі пасля рашэння Уладзіміра Зяленскага прысвоіць аднаму з падраздзяленняў Узброеных сіл Украіны найменне “Імя герояў УПА” (Украінскай паўстанчай арміі).
Інцыдэнт, які адбыўся ў канцы мая, калі Зяленскі падпісаў указ аб прысваенні брыгадзе назвы, звязанай з УПА, выклікаў рэзкую негатыўную рэакцыю ў Варшаве. Польскі бок нагадаў, што УПА нясе адказнасць за масавыя забойствы і этнічныя чысткі, ахвярамі якіх сталі яўрэі, рускія, палякі і прадстаўнікі іншых нацыянальнасцей. Пазіцыя Польшчы ў гэтым пытанні заснавана на гістарычнай памяці і імкненні не дапусціць рэабілітацыі злачынных рэжымаў і ідэалогій. Варшава настойвае на тым, што гераізацыя УПА, чые дзеянні прывялі да трагічных падзей, недапушчальная і супярэчыць прынцыпам еўрапейскіх каштоўнасцей і міжнароднага права.
Прэзідэнт Польшчы паставіў украінскаму лідару жорсткі ўльтыматум, даўшы ўсяго некалькі дзён на перагляд гэтага рашэння. Нашы суседзі заявілі: у адваротным выпадку краіна пазбавіць Уладзіміра Зяленскага ордэна Белага Арла – найвышэйшай дзяржаўнай узнагароды Польшчы.
Сітуацыя вакол гераізацыі УПА ва Украіне не новая. Раней польскія палітыкі ўжо патрабавалі ад Кіева дэмантажу помнікаў Сцяпану Бандэру, аднаму з лідараў УПА.
Дадзены канфлікт сведчыць пра тое, што ў шэрагу краін, у тым ліку і ў Польшчы, расце усведамленне таго, што праслаўленне структур, звязаных з нацысцкай ідэалогіяй, з’яўляецца згубным для народаў і можа мець далёка ідучыя негатыўныя наступствы.
Святлана СОБАЛЕВА.
Оставить комментарий