Пчаліны маршрут. Рэпартаж з пасекі, дзе нараджаецца салодкі скарб
Калі зварочваеш з трасы ў глыб лясніцтва, трапляеш у зусім іншы свет. Тут, сярод векавых соснаў і лясных траў, паветра асаблівае – яно звініць ад пчалінага гулу і пахне нагрэтай сонцам ігліцай ды салодкім мёдам. На лясной палянцы ўтульна размясціліся 65 вулляў. Гэта сапраўдны пчаліны горад, дзе кіпіць сваё, строга ўпарадкаванае жыццё. А запраўляе гэтым працэсам зладжаная каманда з ліку мясцовых лесаводаў пад кіраўніцтвам вопытнага пчаляра Аляксандра Каратыцына.
Наша знаёмства з тэхналогіяй пачалося каля вулляў, дзе пчаляр Аляксандр Каратыцын і лесавод Аляксандр Корбут праводзілі выемку рамак з вулляў.
Далей наш шлях ляжаў у спецыяльна абсталяваны домік, дзе паветра літаральна спявала ад салодкага і цёплага водару воску і праполісу. Тут ладзілася не менш ювелірная праца.
– Дзякуючы руплівасці нашых лесаводаў, пасека штогод прыносіць цудоўны, экалагічна чысты мёд, у якім сабраны водар усіх лясных кветак і зёлак. Для кагосьці з брыгады догляд за пчоламі – чарговая рабочая задача, для некага – сапраўдная любоў. Сярод работнікаў ёсць тыя, хто, развітаўшыся з пчоламі на працы, вяртаецца дадому… і зноў ідзе да вулляў, бо мае ўласную пасеку на падворку, – пазначае намеснік дырэктара па ідэалагічнай рабоце Яўгеній Міцкевіч.
Вынікам сумеснай працы ў гэты дзень стала амаль сотня кілаграмаў мёду. Але галоўнае багацце гэтага дня – людзі: цудоўныя, дужыя, з мазолістымі рукамі і адкрытымі сэрцамі.
Подписаться
0 комментариев
Старые












