За пяць дзён датэрміновага галасавання за выбарчы ўчастак 4 прыйшло больш за тысячу галасуючых. Пра гэта расвяла старшыня ўчастковай выбарчай камісіі Кацярына Шышкіна.
Члены і старшыня выбарчай камісіі на ўчастку для галасавання нумар 4 запрашаюць грамадзян Петрыкава аддаць свой голас і праявіць сваю грамадзянскую пазіцыю.
«У беларусаў ёсць магчымасць прагаласаваць не па месцы рэгістрацыі, а па месцы фактычнага пражывання. Для гэтага да 24 лютага трэба звярнуцца ў прыдатную ўчастковую камісію. Грамадзяніна ўключаць у спіс выбаршчыкаў, калі ён прадставіць дакумент, які пацвярджае пражыванне на тэрыторыі, якая адносіцца да гэтага ўчастка. Таксама пры сабе трэба мець пашпарт.
У залежнасці ад месца пражывання выбаршчыкі атрымаюць па два, тры ці чатыры бюлетэні. У раённых цэнтрах выбаршчыку выдадуць тры бюлетэні: па выбарах дэпутата Палаты прадстаўнікоў, па выбарах дэпутата абласнога Савета дэпутатаў, па выбарах дэпутата гарадскога або раённага Савета дэпутатаў. А ў сельскай мясцовасці дадасца яшчэ адзін бюлетэнь — па выбарах дэпутата сельскага або пасялковага Савета дэпутатаў», — нагадала правіла галасавання старшыня ўчастковай выбарчай камісіі Кацярына Шышкіна.
Оставить комментарий