Уся краіна сёння прымае ўдзел у суботніку. І гэта не толькі ўборка вуліц і сквераў — адной з першарадных задач сёлета з’яўляецца захаванне гістарычнай памяці. 50 працэнтаў сабраных грашовых сродкаў у Гомельскай вобласці пойдуць на рэканструкцыю мемарыяльнага комплексу вязням Азарыцкага лагера смерці.
Працоўныя калектывы дзяржаўных устаноў, арганізацый і прадпрыемстваў Петрыкаўскага раёна выйшлі на рэспубліканскі суботнік. Актыўны удзел у добрай справе прыняў і старшыня райвыканкама Аляксандр Кохан.
Справа па добраўпарадкаванні пачалася з самай раніцы. Прадстаўнікі ўлады і спецыялісты шэрагу арганізацый раёна шчыруюць бліз кар’еру на пад’ездзе да ветстанцыі.
Начальнік Петрыкаўскай раённай інспекцыі прыродных рэсурсаў і аховы навакольнага асяроддзя Іван Міцура расказаў, што сёння ў рамках рэспубліканскага суботніка высаджана 100 саджанцаў маладых дрэў па вуліце Дружба ў горадзе Петрыкаве. Да акцыі далучыліся работнікі ЖКГ, вучні гімназіі горада Петрыкава. Працоўныя калектывы Бабуніцкага сельскага Савета выйшлі на рэспубліканскі суботнік
Не абмінула мерапрыемства і моладзь Петрыкаўшчыны.
Поўным ходам ідзе работа на гарадской вуліцы Макаранка. Тут шчыруюуь супрацоўнікі ваеннага камісарыяту, СПТВ, кінатэатра «Беларусь», «Гомельаблаўтатрансу».
Пры гэтым варта не забываць пра добраўпарадкаванне і санітарны стан дваровых тэрыторый, пад’ездаў, прыватных домаўладанняў – у сапраўднага гаспадара парадак павінен быць усюды!
Наталля ПЕТРУШЭНКА,
Фота Арцёма ГУСЕВА.
Оставить комментарий