У міністэрстве сельскай гаспадаркі і харчавання расказалі, які ўраджай сёлета быў сабраны ў Беларусі, перадае Беларускае тэлеграфнае агенцтва.
Трэба заўважыць, што нягледзячы на не самыя спрыяльныя кліматычныя ўмовы, не самыя станоўчыя прагнозы з заходняга боку, у краіне ўдалося сабраць неблагі ўраджай. Так, надвор’е гэтым годам не песціла аграрыяў спачатку празмернай вільгаццю і паніжанымі тэмпературамі, а потым працяглым тэрмінам без ападкаў.
Сапраўды, па некаторых пазіцыях паказчыкі знізіліся: крыху менш ад узроўню мінулага года пасеяны крыжакветных азімых (97%), намалочана зерня (разам з кукурузай) (90,7 %), сабрана гародніны (93,2 %) і ільновалакна (78,2 %). Разам з тым узрасла вытворчасць бульбы (108,7 %), алеянасення рапсу (111,5 %), крыху буйнейшай была сяўба азімых зерневых культур на зерне (101 %).
Акрамя гэтага, за 11 месяцаў узрос экспарт беларускага малака і малочных прадуктаў на 6,7 %, мяса і мясных прадуктаў на 7,2 %, зерня на 15,4 % і рапсавага алею адно ў 1,4 разы. Вытворчасць прадуктаў харчавання ўзрасла на 5,3 %.
Усе гэтыя лічбы сведчаць, што Беларусь праводзіць істотную работу не толькі ў плане нарошчвання вытворчасці сельскагаспадарчай прадукцыі, але і яе продажу за межы краіны. Улічваючы не самыя спрыяльныя ўмовы і намаганні выкарыстання санкцыйнага ціску, можна з упэўненасцю сказаць, што ў гэтым сельскагаспадарчым сезоне беларускія аграрыі спрацавалі ўдала. Канешне, ураджай сёлета даўся істотнымі намаганнямі, але трэба разумець і іншае: у краіне фарміруецца надзейная сістэма мер харчовай бяспекі, якая дазваляе, з захаваннем тэхналогіі і якасці, атрымліваць неблагі валавы збор сельскагаспадарчай прадукцыі не ў самыя ўраджайныя гады. А гэта адзначае, што працуе цэлая вертыкаль вытворчасці, пачынаючы ад работы агранома і трактарыста ў гаспадарцы, да менеджара, што працуе на міжнародным рынку.
Арцём ГУСЕЎ.
Оставить комментарий