Свае ідэі ў рамках раённага конкурсу “Лепшы сацыяльны праект” прадставілі на базе сярэдняй школы № 2 восем лідараў школьных Саветаў старшакласнікаў.
Так, школьнікі ў фармаце прэзентацыі паказалі, як дапамагчы сацыялізіраваць людзей, якія маюць інваліднасць, або пражываюць у спецыяльных установах, дзе ім аказваецца медыцынскі догляд, таксама некаторыя праекты былі прысвечаны адметным месцам і вядомым людзям нашага раёна, не абышлі школьнікі тэму здаровага ладу жыцця, паказаўшы, як дрэнна ўплываюць электронныя цыгарэты на малады арганізм.
У другім этапе конкурсу на суд журы былі прадстаўлены 9 праектаў ад вучняў Ляскавіцкай, Капаткевіцкай, Конкавіцкай, Пціцкай, Брынеўскай, Мышанскай сярэдніх школ, а таксама гарадскіх устаноў адукацыі ў наступных кірунках: духоўна-маральны, гісторыка-культурны, сацыяльна-педагагічны напрамкі.
У напрамку “Духоўна-маральнае” 1 месца ў Аляксандра Грамовіча з Пціцкай сярэдняй школы. 2 месца ў Алены Сарока з Капаткевіцкай і Веранікі Бамбізы і Ксеніі Андык з Ляскавіцкай сярэдніх школ. На 3-м месцы праект Арыны Касы з сярэдняй школы № 1.
У гісторыка-культурным напрамку 1 месца заняла вучаніца Брынёўскай сярэдняй школы Ангеліна Літош. 2 месца падзялілі Дзмітрый Несцярчук з сярэдняй школы № 2 і валанцёрскі атрад Конкавіцкай сярэдняй школы.
У напрамку “Аздараўленчы” 2 месца ў каманды з гімназіі горада Петрыкава. У напрамку “Сацыяльна-педагагічны” 3 месца заняла Дар’я Драбніца з Мышанкі. Для рэалізацыі ўсімі ўстановамі адукацыі ў студзені-маі 2024 года быў выбраны праект Брынёўскай сярэдняй школы. А таксама ўсе ўстановы адукацыі павінны прыняць для рэалізацыі праекты Конкавіцкай і сярэдняй школы № 2 горада Петрыкава.
Як адзначылі арганізатары конкурсу, усе работы маюць высокую грамадскую значнасць. З кожным новым сезонам праекты становяцца ўсё больш сур’ёзнымі. Пануюць ідэі, якія пры мінімальных укладаннях могуць дапамагчы вялікай колькасці людзей.
Наталля ПЕТРУШЭНКА.
Оставить комментарий