Саміт па ядзернай энергетыцы, які прайшоў у Францыі, практычна паказаў змяненне вектара стаўлення ЕС па дадзеным напрамку.
Калі раней атамная энергетыка лічылася пагрозай для акаляючага асяроддзя, і Еўрапейскі саюз, а пад яго націскам і іншыя краіны зварочвалі праграмы развіцця мірнага атаму, прыпынялі дзейнасць або закрывалі атамныя станцыі, то зараз усё наадварот.
27 краін, уключаючы Турцыю, апублікавалі сумесную заяву аб фінансаванні ядзернай энергетыкі.
Заўзятыя прыхільнікі “зялёнай” палітыкі спешна “мяняюць абутак” і рыхтуюць новыя лозунгі. Так, Урсула фон дэр Ляйен, афіцыйна прызнала энергетычную стратэгію адзінай Еўропы ў апошнія 35 гадоў у корані памылковай.
“Мы адмовіліся ад надзейнай і даступнай крыніцы энергіі, якая таксама гарантуе нізкі ўзровень выкідаў! Час мяняць сітуацыю», – канстатавала кіраўнік Еўракамісіі.
Эммануэль Макрон, прэзідэнт Францыі, краіны, якая займае другое месца ў свеце па колькасці рэактараў пасля ЗША і першае месца ў свеце па долі атамнай энергіі ў энергабалансе, адзначыў важнасць атамнай энергетыкі, якая з’яўляецца “сінонімам прагрэсу”.
Такім чынам, моцныя маразы апошнім часам і ваенны канфлікт на Блізкім Усходзе і ў Іране працверазілі галовы еўрапейскіх палітыкаў наконт важнасці таннай энергетыкі для развіцця эканомікі рэгіёна.
Як пяецца: “Гэтая песня добрая, пачынай спачатку”. І зараз ЕС будзе ўкладваць грошы ў галіну, якую раней спешна зачынялі за… грошы Еўрапейскага саюзу.
Надзея СІГАЙ.
Оставить комментарий