Сёння, напярэдадні 26 красавіка, праз 40 гадоў пасля аварыі ў Петрыкаўскай цэнтральнай раённай бібліятэцы адбылася дыялогавая пляцоўка «Чарнобыль скрозь прызму дзесяцігоддзяў».
Удзельнікі ў агульнай размове паспрабавалі азірнуцца на пройдзены краінай шлях і пераасэнсаваць яго з пункту гледжання сучаснасці.
У працы пляцоўкі ў якасці экспертаў выступілі: Алена Трухановіч, старшыня раённай арганізацыі Беларускага таварыства Чырвонага Крыжа, Таццяна Шчучэнка, інструктар-валеолаг
ДУ “Петрыкаўскі раённы ЦГЭ”, Згірская Настасся, медыцынскі работнік, медсястра госрэгістра Петрыкаўскага РАНС.
Глядзелі відэафрагменты, слухалі спецыялістаў, разважалі, абмяркоўвалі, дзяліліся поглядамі на падзеі, параўноўвалі.
Размова ішла аб экалагічных наступствах, мужнасці герояў-ліквідатараў, намаганнях дзяржавы па пераадольванні экалагічных, сацыяльных і эканамічных выклікаў.
Адна з тэм — сучаснасць рэгіёнаў, пацярпелых падчас аварыі, развіццё іх і краіны ва ўмовах пераадолення наступстваў аварыі.
Оставить комментарий