Зіма сёлета выпрабоўвала на трываласць не толькі людзей, але і дарожную інфраструктуру. Моцныя снегапады патрабавалі аператыўнай працы спецтэхнікі, і, на жаль, не абыйшлося без выдаткаў. У запале барацьбы з гурбамі на адным з участкаў дарогі Петрыкаў-Пціч папярэджваючы знак “Накірунак павароту” аказаўся пашкоджаны: цяжкая тэхніка, ачышчаючы ўзбочыны, зачапіла і пагнула стойку.
Сёння ён стаіць, сіратліва пакасіўшыся, і практычна не праглядаецца вадзіцелямі. Аднак апраўдваць гэта “зімовымі абставінамі” ўжо немагчыма: надвор’е даўно дазваляе дарожным службам правесці рэвізію і аднавіць пашкоджаныя аб’екты.
Хочацца нагадаць адказным службам: бяспека вышэй за ўсё, і аднавіць знак – задача, якая павінна была быць вырашана яшчэ “ўчора”, каб на павароце дарогі з абмежаванай абзорнасцю не адбылося сур’ёзнага ДТЗ.
В. МІКАЛАЕВА. Фота аўтара.
Оставить комментарий