Згодна Указу Прэзідэнта Рэспублікі Беларусь № 630 “Аб рэагаванні службовых асоб на крытычныя выступленні ў дзяржаўных сродках масавай інфармацыі” рэдакцыяй газеты “Петрыкаўскія навіны” быў накіраваны ў КВУП “Петрыкаўскі райжылкамгас” крытычны артыкул “Каб не жыць сярод смецця”, размешчаны на старонках газеты ў верасні. На днях прыйшоў адказ на крытычную публікацыю, у якой карэспандэнт вёў размову пра неналежны стан утрымання кантэйнерных пляцовак у горадзе, месцаў адпачынку ўздоўж дарог, своечасовае выдаленне адходаў на прыпыначных пунктах і на абочынах дарог. Кіраўніцтва прадпрыемства, згодна Указу, давяло пра ўхіленне парушэнняў, і маніторынгу сітуацыі.
Карэспандэнт раёнкі выехаў, каб на свае вочы пабачыць навядзенне парадку на зямлі. Службы райжылкамгаса выправілі сітуацыю з раней забруджанай тэрыторыяй. Адсутнасць смецця радавала вока, мясцовасць набыла належны выгляд.
Рэдакцыя газеты будзе трымаць на кантролі сітуацыю з навядзеннем парадку і чакаць адваротнай сувязі ад арганізацый і прадпрыемстваў, якія атрымалі ад нас лісты аб парушэннях заканадаўства па ахове працы.
А яшчэ хочацца нагадаць землякам – парадак у горадзе залежыць не ад адной арганізацыі, а ад усіх нас.
Святлана СОБАЛЕВА,
фота аўтара.
Оставить комментарий