Начальнікам Раённага аддзела ўнутраных спраў Петрыкаўскага райвыканкама прызначаны Віталій Маркевіч.
Мерапрыемства распачаў начальнік Упраўлення ўнутраных спраў аблвыканкама генерал-маёр Аляксандр Шастайла: “У першую чаргу хацеў бы падзякаваць вам за службу. Нядаўняе важнае палітычнае электаральнае мерапрыемства – Адзіны дзень галасавання, прайшло на Петрыкаўшчыне спакойна і бяспечна.
Наперадзе ў нас не менш сур’ёзная задачы – выбары Прэзідэнта Рэспублікі Беларусь, што адбудуцца ў 2025 годзе. Адпаведная работа для забеспячэння правапарадку і спакою ў краіне ўжо вядзецца, тым больш, што аператыўная абстаноўка, у святле міжнародных палітычных падзей ва Усходняй Еўропе, застаецца напружанай.
Звяртаючы ўвагу непасрэдна на Петрыкаўскае РАУС адзначу, што ў перспектыве вас чакае сур’ёзная падзея – згодна з Указам Прэзідэнта, які зацвердзіць інвестыцыйную праграму на 2024 год, распачнецца будаўніцтва новага адміністрацыйнага будынку аддзела ўнутраных спраў. Мы сустракаліся ў праектантамі ўжо пяць разоў і грунтоўна абмяркоўвалі будаўнічыя акалічнасці. Зараз праект знаходзіцца на экспертызе.
Што да новага начальніка петрыкаўскай міліцыі, то Віталь Мікалаевіч – чалавек кемлівы і вопытны: 22 гады службы ў органах, большасць з якіх – на аператыўнай службе, гавораць самі за сябе. Таму мы чакаем ад усяго вашага калектыву плённых вынікаў.
Віталій Маркевіч – ураджэнец горада Тураў Жыткавіцкага раёна. Скончыўшы Акадэмію МУС Рэспублікі Беларусь у 2002 годзе, Віталій Мікалаевіч быў прызначаны на пасаду дазнавацеля аддзялення дазнання папярэдняга расследавання Жыткавіцкага РАУС, працаваў оперупаўнаважаным, а за тым старшым оперупаўнаважаным у аддзяленні міліцыі горада Турава і Жыткавіцкага РАУС. З красавіка 2011 года служыў начальнікам аддзялення крымінальнага вышуку, а з красавіка 2015 года – першым намеснікам начальніка адзела ўнутраных спраў Жыткавіцкага райвыканкама.
Арцём ГУСЕЎ. Фота аўтара.
Оставить комментарий