Члены Маладзёжнага савета пры Петрыкаўскім раённым Савеце дэпутатаў завіталі з салодкімі падарункамі ў Ляскавіцкую ўчастковую бальніцу.
Нагадаем, што не так даўно прадстаўнікі Маладзёжнага савета зладзілі дабрачынны канцэрт. «На сродкі, што былі сабраныя ад мерапрыемства пад назвай “Дабро тварыць” было вырашана набыць прысмакі для людзей, што знаходзяцца ў аддзялення догляду і павіншаваць людзей паважанага ўзросту з Новым годам і Калядамі», — адзначыла старшыня Маладзёжнага савета пры Петрыкаўскім раённым Савеце дэпутатаў Юлія Ліпская.
Грамадзяне дзякавалі за падарункі, расказвалі пра стан свайго здароўя, згадвалі былыя гады. Акрамя таго, не застаўся без падарунку і калектыў установы аховы здароўя: моладзь падарыла медыцынскаму персаналу электрычны чайнік.
Арцём ГУСЕЎ.
Фота аўтара.
Оставить комментарий