У Міністэрстве абароны нашай краіны вялікая ўвага надаецца пытанням інфармацыйнай падтрымкі навучэнцаў устаноў адукацыі ў працэсе іх самавызначэння і выбару навучання менавіта ў ваенных навучальных установах. Работа па ваенна-прафесійнай арыентацыі спрыяе правільнаму разуменню ролі кожнага грамадзяніна ў выкананні канстытуцыйнага абавязку па абароне Рэспублікі Беларусь, папулярызацыі ваеннай службы, ваенна-патрыятычнаму выхаванню моладзі.
З гэтай мэтай сёння на базе раённага Дома культуры прайшла ваенна-патрыятычная акцыя “Гатовыя Радзіме служыць”.
Для ўдзелу ў акцыі наш горад наведалі прадстаўнікі ваенных факультэтаў вышэйшых устаноў адукацыі, Ваеннай акадэміі Рэспублікі Беларусь, афіцэры, курсанты. Мерапрыемства наведалі ваенны камісар раёна, спецыялісты аддзела адукацыі, навучэнцы школ, педагогі, бацькі.
Першы блок сустрэчы – работа прафарыентацыйных пляцовак ваенных навучальных устаноў, выстава ўзораў зброі, паказ ваеннай формы адзення, зборка і разборка зброі.
Удзельнікаў акцыі «Гатовыя Радзіме служыць» прывітала начальнік аддзела адукацыі Петрыкаўскага райвыканкама Людміла Жукавец.
Людміла Мікалаеўна падкрэсліла важнасць патрыятычнага выхавання моладзі і ролю ваеннай службы ў фарміраванні грамадзянскай пазіцыі і адказнасці за будучыню краіны.
Спікерам мерапрыемства выступіў начальнік ваеннага факультэта Беларускага дзяржаўнага ўніверсітэта, палкоўнік Андрэй Бахар.
Андрэй Міхайлавіч падрабязна расказаў прысутным пра ўмовы паступлення ў ваенныя ўстановы, працэс навучання і перспектывы, якія адкрываюцца перад выпускнікамі.
Оставить комментарий