Захар СМІРНОЎ, ваенны камісар Петрыкаўскага раёна:
-Такое маштабнае для нашага раёна мерапрыемства, як акцыя “Гатовыя Радзіме служыць” праведзенае пад эгідай Упраўлення ваеннай адукацыі Міністэрства абароны Рэспублікі Беларусь і пры садзейнічанні аддзела адукацыі і сектара культуры Петрыкаўскага райвыканкама, выклікала вялікую цікавасць сярод дапрызыўнай моладзі.
Станоўчыя водгукі ад бацькоў, непадробная зацікаўленасць і актыўнасць саміх навучэнцаў таму нагляднае пацвярджэнне.
Ад імя калектыву ваеннага камісарыята Петрыкаўскага раёна выказваю ўдзячнасць за арганізацыю і правядзенне акцыі афіцэрам і курсантам ваенных факультэтаў вядучых ВНУ краіны і Ваеннай акадэміі Рэспублікі Беларусь.
Прашу абітурыентаў і іх бацькоў памятаць, што дзверы ваенных навучальных устаноў для вас заўсёды адчыненыя.
У вас ёсць магчымасць выбраць самыя запатрабаваныя на сёння спецыяльнасці. Для вас будуць створаны прывабныя ўмовы для вучобы.
Не ўпусціце свой шанец!
