З нагоды Дня работнікаў гандлю ў малой зале райвыканкама прайшло ўрачыстае мерапрыемства, прысвечанае людзям, якія штодня клапоцяцца пра камфорт і якаснае абслугоўванне жыхароў нашага раёна.
Гандаль — гэта не проста сфера паслуг, гэта важнае звяно эканомікі, якое забяспечвае стабільнасць і дабрабыт грамадства.
Менавіта таму праца прадаўцоў, таваразнаўцаў і кіраўнікоў гандлёвых прадпрыемстваў патрабуе асаблівай адказнасці, цярпення і ўмення знайсці падыход да кожнага пакупніка.
З цёплымі словамі віншаванняў да прысутных звярнулася намеснік старшыні райвыканкама Аляксандра Янчанкава. У сваім выступленні Аляксандра Міхайлаўна падкрэсліла значны ўклад работнікаў гандлёвай галіны ў развіццё раёна і пажадала прысутным прафесійных поспехаў, удзячных пакупнікоў і дабрабыту ў сем’ях.
Кульмінацыяй сустрэчы стала цырымонія ўзнагароджання. За добрасумленную працу, высокі прафесіяналізм і значны асабісты ўклад у развіццё гандлёвага абслугоўвання насельніцтва Падзяка райвыканкама была аб’яўлена лепшым прадстаўнікам прафесіі:
Іне Пашкевіч, дырэктару ПГУП «ТэзісГолд»;
Ліліі Губар, загадчыку магазіна «Аўрора» ТАА «Рубінторг»;
Лідзіі Шыкінай, дырэктару ПГУП «Власта Люкс»;
Людміле Салаўянчык, прадаўцу 4-га разрада магазіна № 33 (в. Колкі);
Таццяне Рубчэўскай, прадаўцу 4-га разрада магазіна № 90 «ТПС» (в. Снядзін).
Оставить комментарий