На тэрыторыі Петрыкаўскага раёна з 6 па 10 красавіка будзе праводзіцца рэспубліканскае прафілактычнае мерапрыемства, накіраванае на спыненне парушэнняў правілаў дарожнага руху і правілаў перавозкі пасажыраў кіроўцамі аўтамабіляў-таксі.
З мэтай стабілізацыі дарожна-транспартнай абстаноўкі і скарачэння колькасці здарэнняў з удзелам транспартных сродкаў, задзейнічаных пры перавозцы пасажыраў у рэгулярных зносінах, супрацоўнікі ДАІ правядуць прафілактычныя мерапрыемствы, накіраваныя на папярэджанне парушэнняў ПДР і ўчынення ДТЗ з удзелам вадзіцеляў аўтамабіляў-таксі. Таксама ў гэты перыяд будзе нададзена ўвага выкананню патрабаванняў іншых заканадаўчых актаў па бяспечным выкананні такіх перавозак.
Таксі – зручны і недарагі спосаб перамяшчэння па горадзе. Але, на жаль, кіроўцы нярэдка грэбуюць не толькі сваёй бяспекай, але і бяспекай перавозімых імі пасажыраў, наўмысна парушаючы ПДР.
Асноўныя парушэнні ПДР, якія дапускаюцца названымі катэгорыямі вадзіцеляў, з’яўляюцца праезд на забараняльны сігнал светлафора, перавозка пасажыраў звыш колькасці ўстаноўленых месцаў, пасадка-высадка пасажыраў па-за прыпынкамі, а таксама перавышэнне хуткасных рэжымаў і парушэнне правілаў абгону. Таксама сур’ёзную трывогу выклікае выкарыстанне мабільнай сувязі падчас руху кіроўцамі аўтамабіляў-таксі.
Супрацоўнікі ДАІ Петрыкаўскага РАУС заклікаюць вадзіцеляў маршрутных і легкавых таксі не грэбаваць Правіламі дарожнага руху, берагчы сваіх пасажыраў.
Пасажыры, падумайце пра ўласную бяспеку, не стаўце сябе пад пагрозу, спрабуючы даехаць любым спосабам.
Мікалай ШЫБАНАЎ,
начальнік АДАІ Петрыкаўскага РАУС.
Оставить комментарий