Неаднойчы героямі “Петрыкаўскіх навін” станавілася сям’я Андрэя і Таццяны Несцярчук з гарадскога пасёлка Капаткевічы.
Землякі выхоўваюць пяцёра дзяцей, акружаюць іх любоўю і клопатам, імкнуцца знайсці індывідуальны падыход да кожнага, лічацца з інтарэсамі дзяцей і раскрываюць творчыя здольнасці. Дачка Любоў захапляецца спортам і танцамі, сын Даніла прымае актыўны ўдзел у жыцці класа, удзельнічае ў валанцёрскім руху, малодшыя Яўген і Ілья не саступаюць старэйшым і радуюць бацькоў сваімі поспехамі ў жыцці мясцовага дзіцячага садка – захапляюцца маляваннем, спевамі, танцамі і спортам.
Таццяна Пятроўна працуе ў Капаткевіцкім гарадскім доме культуры мастаком-афарміцелям, захапляецца спевамі, актыўна ўдзельнічае ў арганізацыі і правядзенні грамадска значных мерапрыемстваў. У 2025 годзе ўзнагароджана ордэнам Маці.
Андрэй Іванавіч – кіроўца ААТ «Чалюшчавічы», мае шматлікія ўзнагароды за дасягненне высокіх вытворчых паказчыкаў. Вельмі прыемна, што дружная сям’я нашых землякоў запрошана для ўдзелу ў абласным сямейным свяце “Беларусь – гэта МЫ!
Мерапрыемства пройдзе 14 мая напярэдадні Дня сям’і ў горадзе над Сожам. Сачыце за нашымі навінамі. Падзея – у полі зроку карэспандэнтаў “ПН”.
Оставить комментарий