Семінар са старшынямі Саветаў дэпутатаў базавага ўзроўню Гомельшчыны праходзіць сёння на Петрыкаўшчыне

Петрыкаўскі раён стаў пляцоўкай для абмеркавання прыярытэтных кірункаў развіцця турызму. Старшыні саветаў дэпутатаў базавага ўзроўню Гомельскай вобласці сабраліся, каб разгледзець шырокі спектр тэм: ад патэнцыялу аграэкатурызму да захавання культурна-гістарычнай спадчыны і народных традыцый рэгіёна. Старшыня Гомельскага абласнога Савета дэпутатаў Кацярына Анатольеўна Зенкевіч звярнула ўвагу на стратэгічную важнасць захавання каранёў, спадчыны і самабытнасці ў кожным мястэчку і кутку Беларусі. Прывітальным словам старшыні райвыканкама Яўгеній Сяргеевіч Шкробат прывітаў удзельнікаў семінара і прэзентаваў турыстычныя магчымасці і ўнікальныя каштоўнасці Петрыкаўшчыны.

Наступны прыпынак выязнога семінара — аграгарадок Ляскавічы

Удзельнікі мерапрыемства наведалі Нацыянальны парк «Прыпяцкі» і яго знакаміты гісторыка-этнаграфічны комплекс — музей пад адкрытым небам. Падчас візіту госці агледзелі чатыры тэматычныя музеі, якія прэзентуюць самабытныя народныя рамёствы Палесся:

Кавальства і ганчарства
Саламапляценне і ткацтва
Бондарства і лозапляценне
Рыбалка і паляванне

Генеральны дырэктар дзяржаўнай прыродаахоўнай установы Юрый Аляксандравіч Апановіч падрабязна распавёў прысутным аб захаванні ўнікальнай культурнай спадчыны рэгіёна і маштабным развіцці турыстычнага патэнцыялу Петрыкаўшчыны.

Старшыні саветаў дэпутатаў базавага ўзроўню Гомельскай вобласці падчас семінара адкрывалі для сябе турыстычны патэнцыял Петрыкаўшчыны. Наведванне сафары-парка і Музея прыроды Нацыянальнага парку «Прыпяцкі» стала адной з самых яркіх кропак мвршруту Правадніком у дзіўны свет прыроды для гасцей разам з экскурсоводам стаў генеральны дырэктар нацпарку Юрый Апановіч. Слухаць яго — адно задавальненне, бо пра флору і фаўну Палесся ён гаворыць з сапраўдным захапленнем і ведае факты, якія здольныя здзівіць нават бывалых турыстаў. Палессе ўмее здзіўляць, а дзякуючы такім апантаным сваёй справай людзям, як Юрый Аляксандравіч, гэтая прыгажосць адкрываецца напоўніцу. Гартайце наш фотарэпартаж і натхняйцеся на ўласныя вандроўкі!