Сёння на стадыёне «Прыпяць» прайшоў майстар-клас з сапраўднай легендай лёгкай атлетыкі — 7-разовай чэмпіёнкай краіны, майстрам спорту міжнароднага класа, Кацярынай Нецветаевай.
Удзельнікі пагрузіліся ў свет спорту і даведаліся, што лёгкая атлетыка — гэта значна больш, чым проста бег. Гэта сапраўднае мастацтва валодання сваім целам, вывастранае да дасканаласці ў самых разнастайных дысцыплінах!
Кацярына падзялілася сваімі сакрэтамі майстэрства. Яна — адна з тых рэдкіх спартсменак, хто аднолькава віртуозна валодае тэхнікай бегу, скачкоў і кіданняў. Гэта сапраўды ўражвае!
На майстар-класе юныя спартсмены Петрыкаўшчыны даведаліся, як развіваць цягавітасць, не страчваючы ў хуткасці, і як падрыхтаваць сябе да любых спартыўных выклікаў.
Гэта веды, якія спатрэбяцца кожнаму, хто імкнецца да спартовых дасягненняў!
Оставить комментарий