Сапраўднае спартыўнае свята аб’яднала сёння аматараў пляжнага валейбола!
Нягледзячы на гарачае сонца, моладзь Петрыкаўшчыны адзначыла Дзень моладзі ярка, актыўна і напоўніцу!
Сённяшні турнір па пляжным валейболе стаў сапраўдным выпрабаваннем на трываласць.
Гэта было гарачае супрацьстаянне ва ўсіх сэнсах: з надвор’ем — у кожным руху адчуваўся подых гарачага лета, з супернікамі — каманды змагаліся за кожны пункт і не жадалі саступаць, з самімі сабой — ігракі пераадольвалі стомленасць дзеля запаветнай перамогі.
Крупіцы распаленага пяску ляцелі ў паветра, эмоцыі віравалі, а кожны прыгожы прыём і доўгі розыгрыш выклікаў шквал апладысментаў!
Нашы хлопцы і дзяўчаты даказалі, што для маладосці і сапраўднага спартыўнага духу няма ніякіх перашкодаў.
Дзякуй усім удзельнікам за гэтую прыгажосць, характар і неверагодную энергетыку! Гэта было па-сапраўднаму крута!!!
Вось яна — тройка наймацнейшых пляжных дуэтаў:
3 месца — заваявала зацятая і самаадданая каманда Петрыкаўскай ЦРБ! Нашы медыкі паказалі, што ўмеюць не толькі ратаваць жыцці, але і крута трымаць абарону на пяску!
2 месца — забірае з сабой бліскучы і супердынамічны дуэт з Капаткевіч! Выдатная сыгранасць і прыгожая гульня да апошняй секунды!
1 месца і званне ЧЭМПІЁНАЎ — заваёўвае каманда Петрыкаўскага рудаўпраўлення! Абсалютны трыумф, жалезная воля і касмічны ўзровень валейбола!
Шчыра захапляемся кожным прыёмам, кожным блокам і кожным прыгожым палётам за мячом! Вы ўсе — прыклад драйву, маладосці і спартыўнага характару.
Са святам, моладзь! Так трымаць, Петрыкаўшчына!
Оставить комментарий