Днямі ад жыхара вёскі Мардзвін да супрацоўнікаў Нацыянальнага парка “Прыпяцкі” паступіла паведамленне пра неаднаразовае знаходжанне ў населеным пункце ваўка. Акрамя гэтага, вясковец паведаміў у аператыўныя службы раёна пра знаходжанне ў Мардзвіне дзікага звера. Воўк быў хутка выяўлены і ліквідаваны паляўніцтвазнаўцамі нацпарка. Учыніць шкоды гаспадаркам вёскі звер не паспеў.
Нацыянальны парк “Прыпяцкі” паведамляе: у выпадку выяўлення дзікіх драпежных жывёл у небяспечнай блізкасці ці ў населеных пунктах, прылягаючых да тэрыторыі нацпарка, для аператыўнага рэагавання кампетэнтных асоб, настойліва раім звяртацца да паляўніцтвазнаўцаў арганізацыі на нумары тэлефона 8-02350-5-70-37.
Арцём ГУСЕЎ.
