Сёння яны напоўнены асаблівай атмасферай: гонарам, самаадданай працай і сапраўднай урачыстасцю!
Яшчэ адзін экіпаж-тысячнік упэўнена ўпісаў сваё імя ў гісторыю сёлетняга жніва. Знаёмцеся — камбайнер ААТ»Навасёлкі» Сяргей Цагельнік. На сваім надзейным КЗС-1218 ён ужо намалаціў больш за 1200 тон збожжа! Па заслугах і пашана!
Сёння прама ў полі, сярод залатых хваляў пшаніцы, у адрас Сяргея Мікалаевіча гучалі самыя шчырыя словы падзякі і віншаванні. Кветкі і заслужаная прэмія — усё гэта за нястомныя рукі, якія кормяць краіну.
Мужчына ў сферы даўно. Не адно дзесяцігоддзе ён аддана служыць роднай гаспадарцы.З працай знаёмы да дробязяў, а за якасць яго працы ніколі і нікому не было сорамна. Сапраўдны прафесіянал і гаспадар на сваёй зямлі.
Дзякуй Вам, Сяргей Мікалаевіч, за хлеб на стале і за вернасць абранай справе! Нізка хілімся перад Вашым кожнадзённым подзвігам.
Оставить комментарий