Палессе – край прыгажунь

9 верасня — Сусветны дзень прыгажосці. Петрыкаўшчыне гэтая тэма вельмі блізкая.

Ураджэнкі і жыхаркі Петрыкава неаднаразова прадстаўлялі свой рэгіён на галоўных подыумах краіны, у першую чаргу – на Нацыянальным конкурсе прыгажосці.

Так, Анастасія Таргонская прадстаўляла Гомельшчыну на Нацыянальным конкурсе прыгажосці “Міс Беларусь – 2023”, Аляксандра Папок – конкурсе “Міс Беларусь – 2021”.

Нашы маладыя зямлячкі неаднаразова займалі прызавыя і пераможныя месцы на міжрэгіянальным конкурсе прыгажосці і грацыі “Палеская прыгажуня”, які традыцыйна праходзіць у аграгарадку Ляскавічы ў рамках Міжнароднага фестывалю “Кліч Палесся”. Ганна Мяшкова – пераможца конкурсу, 2016 год; Улада Іскрыцкая — 2016 год; Юлія Герасіменка, Маргарыта Валодзькіна, Аляксандра Папок (увесь п’едэстал конкурсу занялі нашы зямлячкі) – 2018 год; Аляксандра Бобель – пераможца конкурсу, 2020 год; Паліна Бычкоўская – Першая Віцэ-Міс, 2022 год, акрамя таго дзяўчына стала ўладальніцай тытула Віцэ-Міс Viva Braslav-2025; Анастасія Таргонская – Другая Віцэ-Міс, 2024 год; Валерыя Талстунова, Другая Віцэ-Міс – 2026 год.
Акрамя таго яркімі і запамінальнымі былі выхады на сцэну Арыны Казловіч і Валерыі Мойса.

Большасць удзельніц з’яўляліся членамі ўзорнага калектыву “Тэатр мод” на базе Петрыкаўскага раённага цэнтра творчасці дзяцей і моладзі. Кіраўнік – Надзея Слабадзянюк.

Падрыхтавала Святлана СОБАЛЕВА.