Петрыкаўшчына актыўна развівае оптавалаконную інфраструктуру.
Маштабныя работы па пракладцы аптычнага кабеля да кожнага домаўладання абяцаюць жыхарам райцэнтра хуткасны інтэрнэт, які так доўга чакалі. Аднак, як гэта часта бывае, у бочцы мёду знайшлася і лыжка дзёгцю.
Праблема, якая выклікае занепакоенасць – выкапаныя работнікамі “Белтэлекама” ямкі, месцамі пакінутыя без належнага агароджання і сігнальнай стужкі. Такія небяспечныя “сюрпрызы” могуць стаць прычынай сур’ёзных траўмаў, асабліва ў цёмны час сутак ці пры дрэннай бачнасці.
Як прыклад, сітуацыя па вуліцах Карла Лібкнехта і Дзеда Талаша, 36, якая патрабуе тэрміновага ўхілення.
Антаніна СМІРНОВА. Фота аўтара.
