На Петрыкаўшчыне адбылася важная падзея – у райцэнтры, на вуліцы Камунальная, дзе раней размяшчаўся гандлёвы аб’ект “Фортуна”, адкрыла свае дзверы новая крама сеткі “Капеечка”.
Сетка “Капеечка” добра вядомая сваёй палітыкай нізкіх коштаў, што робіць яе прывабнай для шырокага кола пакупнікоў. Адкрыты гандлёвы аб’ект не стаў выключэннем.
Ужо з першага дня працы ён прапануе жыхарам і гпсцям Петрыкава шырокі асартымент тавараў штодзённага попыту. На паліцах можна знайсці свежыя гародніну і садавіну, якасныя мясныя і малочныя вырабы, смачныя прысмакі і напоі, а таксама разнастайныя хлебабулачныя і кандытарскія вырабы.
Адной з галоўных пераваг “Капеечкі” з’яўляюцца пастаянна дзейныя акцыйныя цэны. Гэта азначае, што пакупнікам не трэба чакаць спецыяльных прапаноў або скідак – тавары прадаюцца па зніжаным кошце першапачаткова. Такі падыход робіць пакупкі больш даступнымі і эканамічнымі для кожнага.
Асаблівая ўвага надаецца асартыменту айчынных вытворцаў. Гэта важны аспект, бо менавіта беларуская прадукцыя карыстаецца даверам і папулярнасцю сярод насельніцтва.
Акрамя таго, адкрыццё новай крамы мае і сацыяльнае значэнне. Яно дазволіла стварыць новыя працоўныя месцы для жыхароў Петрыкаўшчыны.
Таксама, дзякуючы зручнаму размяшчэнню крамы паход за пакупкамі для жыхароў горада становіцца максімальна камфортным.
Оставить комментарий