Да прысутных звярнуўся старшыня раённага выканаўчага камітэта Яўгеній Шкробат:
— 22 чэрвеня мы ўспамінаем адну з самых журботных і трагічных дат нашай гісторыі.
У гэты дзень мы схіляем галовы перад усімі загінуўшымі ў жорсткай сутычцы з ворагам, перад пакаленнем савецкіх людзей, якія прынеслі нам Перамогу і падарылі нам будучыню.
85 гадоў аддзяляе нас ад той трагічнай даты. Час не ў сілах вылечыць такія раны, не ў сілах прымусіць нас забыцца. У гадавіну трагедыі мы асабліва востра адчуваем цану міру і свабоды.
Няхай гэтая дата яшчэ раз нагадае ўсім, як важна захоўваць мір, які так цяжка дастаўся нашым продкам, і як дарагія тыя людзі, хто з намі сёння побач.
Нізкі паклон і вечная памяць загінуўшым героям. Няхай наша памяць аб мінулым стане гарантам мірнай і светлай будучыні!
Оставить комментарий