Лета на Петрыкаўшчыне: адпачынак, здароўе і новыя эмоцыі для дзяцей

Сённяшні дзень на Петрыкаўшчыне азнаменаваўся стартам насычанай летняй кампаніі для дзяцей. У чэрвені ў раёне будзе функцыянаваць 21 лагер.

Сярод іх – выхаваўча-аздараўленчыя лагеры з дзённым знаходжаннем і выхаваўча-аздараўленчыя лагеры працы і адпачынку з дзённым знаходжанем дзяцей. Установы адукацыі   прымуць 412 юных адпачывальнікаў. Карэспандэнты раённай газеты наведалі выхаваўча-аздараўленчы лагер з дзённым знаходжаннем «Вясёлка», арганізаваны на базе гарадской школы №2. Тут, пад наглядам педагогаў, праводзяць час 60 дзяцей ва ўзросце ад 6 да 10 гадоў.

Як адзначылі выхавальнікі, план лагера распрацаваны з улікам разнастайных інтарэсаў дзяцей. Штодня для іх рыхтуюцца цікавыя мерапрыемствы, накіраваныя на развіццё, аздараўленне і проста добрае баўленне часу. Акрамя традыцыйных гульняў і спартыўных забаў, прадугледжаны інтэлектуальныя конкурсы, творчыя майстэрні, экскурсіі і азнаямленчыя заняткі.

Такім чынам, дзеці не толькі адпачываюць і набіраюцца сіл, але і атрымліваюць новыя веды, развіваюць свае здольнасці і вучацца працаваць у камандзе. Арганізацыя летніх лагераў – гэта важная сацыяльная задача, якая дазваляе забяспечыць дзецям бяспечны і карысны адпачынак, пакуль бацькі працуюць.

На Петрыкаўшчыне зроблена ўсё магчымае, каб кожнае дзіця адчула сябе шчаслівым і задаволеным, атрымаўшы незабыўныя ўражанні ад летніх канікул.