З нагоды Дня пажарнай службы Петрыкаўскі раённы аддзел па надзвычайных сітуацыях арганізаваў сапраўднае свята для ўсёй сям’і. Пляцоўка каля Раённага дома культуры ператварылася ў цэнтр прыцягнення дзяцей і дарослых.
Напярэдадні Дня пажарнай службы прагучала прысяга. Маладыя агняборцы кляліся быць вернымі абавязку.
А яшчэ, кожны жадаючы мог падрабязна разгледзець пажарныя аўтамабілі, даведацца пра прызначэнне гідраўлічнага інструмента.
Для самых актыўных удзельнікаў арганізатары падрыхтавалі цікавыя тэматычныя заданні і прыемныя прызы.
