Шчыра віншую вас са святам!
Дзень Перамогі назаўжды застанецца ў летапісе нашай краіны сімвалам згуртаванасці народа, які ў адзіным парыве абараніў незалежнасць і гонар Радзімы. Праз дзесяцігоддзі пасля вясны 1945 года мы свята шануем памяць загінуўшых і схіляем галовы перад мужнасцю ветэранаў, чый подзвіг стаў фундаментам росквіту нашай дзяржавы.
Сёння наш агульны абавязак – захоўваць і прымнажаць бясцэнную спадчыну, цвёрда адстойваючы інтарэсы сваёй краіны. Маладому пакаленню важна памятаць, якой дарагой цаной дасталіся нам свабода і сама магчымасць жыць, тварыць і мірна працаваць на роднай зямлі.
Жадаю вам дабрабыту, радасці і ўпэўненасці ў заўтрашнім дні. Няхай у вашых дамах заўсёды жыве любоў, а ў сэрцах – светлыя надзеі і невычэрпная энергія!
Міру, згоды і росквіту нашай роднай зямлі!
Дэпутат Палаты прадстаўнікоў
Нацыянальнага сходу Рэспублікі Беларусь Святлана СЯНЬКО.
Оставить комментарий